وزیر داخلہ سندھ کی اسلحہ ڈیلرز کے لائسنسز ڈیجٹلائزڈ کرنے کی ہدایت
وزیر داخلہ سندھ ضیاالحسن لنجار نے اسلحہ ڈیلرز کے لائسنسز کو ڈیجٹلائزڈ کرنے کی ہدایت کردی۔
ڈان نیوز کے مطابق وزیر داخلہ سندھ نے محکمہ انسداد دہشت گردی (سی ٹی ڈی) کے ڈے آئی جی کے دفتر کا دورہ کیا جہاں انہوں نے اسلحہ ڈیلرز کے لائسنسز کو ڈیجٹلائزڈ کرنے کی ہدایت کی۔
انہوں نے کہا کہ لائسنسز ڈیجٹلائزڈ کرنے کا مقصد مرکزی نظام کو ترتیب دینا ہے۔
ضیاالحسن لنجار نے مدارس کے ڈیٹا کلیکشن اور جیوٹیگنگ کے حوالے سے اقدامات کو یقینی بنانے کی بھی ہدایت کی۔
ان کا کہنا تھا کہ گلشن اقبال میں قتل نوجوان کے کیس کی نگرانی سی ٹی ڈی کرے گی۔