راولپنڈی: سوشل میڈیا پر مذہبی منافرت پھیلانے کے جرم میں 4 مجرمان کو سزائے موت
راولپنڈی کی ایک عدالت نے سوشل میڈیا پر مذہبی منافرت پھیلانے کے جرم میں 4 مجرمان کو سزائے موت سنا دی۔
ڈان نیوز کے مطابق کیس کا فیصلہ ایڈیشنل سیشن جج محمد طارق ایوب نے سنایا، وفاقی تحقیقاتی ادارے (ایف آئی اے) کی جانب سے پراسیکیوٹر ملک سکندر عدالت میں پیش ہوئے جبکہ مدعی مقدمہ شیراز فاروقی کی جانب سے ایڈووکیٹ راجا عمران خلیل پیش ہوئے۔
عدالت سے سزا پانے والے مجرمان میں رانا عثمان، اشفاق علی، سلمان سجاد اور واجد علی شامل ہیں۔
عدالت نے مجرمان کو سیکشن 295 سی کے تحت سزائے موت، سیکشن 295 بی کے تحت 10 سال قید اور سیکشن 295 اے کے تحت 10، 10 لاکھ روپے جرمانے کا حکم بھی دیا۔
عدالت نے کہا کہ مجرمان کو اس وقت تک پھانسی کے پھندے پر لٹکایا جائے جب تک ان کی موت واقع نہ ہو جائے۔
خیال رہے کہ مجرمان کے خلاف پیکا کے سیکشن 11 کے تحت اکتوبر 2022 میں مقدمہ درج ہوا تھا۔
لائیو ٹی وی