نارووال: نماز تراویح کے دوران فائرنگ سے 3 افراد جاں بحق
نارووال کے محلہ کشمریاں میں نامعلوم افراد کی فائرنگ سے 3 افراد جاں بحق اور ایک شدید زخمی ہوگیا، آئی جی پنجاب نے واقعے کا نوٹس لیتے ہوئے آر پی او گوجرانوالہ سے رپورٹ طلب کرلی۔
پولیس کے مطابق مقتولین حویلی انعام اللہ بٹ کے اندر نماز ادا کر رہے تھے کہ ملزمان نے حملہ کردیا، جاں بحق افراد کی شناخت عمران بٹ، شاہد بٹ اور ظفر اقبال کے نام سے ہوئی۔
قتل کی واردات کے بعد ملزمان فرار ہوگئے، پولیس نے لاشوں اور زخمی شخص کو ڈسٹرکٹ ہیڈ کوارٹر ٹیچنگ ہسپتال منتقل کردیا۔
آئی جی پنجاب ڈاکٹر عثمان انور نے واقعے کا نوٹس لیتے ہوئے ڈسٹرکٹ پولیس افسر (ڈی پی او) نارووال کو فائرنگ میں ملوث ملزمان کی فوری گرفتاری کا حکم دیا۔
لائیو ٹی وی