انٹرنیشنل ٹیسٹنگ ایجنسی نے پاکستان کے 2 آفیشلز پر پابندی عائد کر دی
انٹرنیشنل ٹیسٹنگ ایجنسی (آئی ٹی اے) نے پاکستان کے 2 آفیشلز پر پابندی عائد کر دی
ڈان نیوز کے مطابق پاکستان ویٹ لفٹنگ فیڈریشن کے سابق نائب صدر امجد امین بٹ اور کوچ وقاص اکبر پر 4، 4 سال کی پابندی عائد کی گئی ہے۔
امجد امین بٹ اور کوچ وقاص اکبر نے اپنی غلطی تسلیم کر لی، دونوں افراد آرٹیکل 2.5 اور آرٹیکل 2.9 کی خلاف ورزی کے مرتکب قرار پائے، انہیں 24 فروری 2025 سے 23 فروری 2029 تک 4 سال کی معطلی کی سزا سنائی گئی۔
دونوں افراد کو فیصلے کے خلاف کھیلوں کی ثالثی عدالت میں اپیل کرنے کا حق حاصل ہے۔
آئی ٹی اے کی ویب سائٹ کے مطابق سوئٹزرلینڈ میں واقع انٹرنیشنل ٹیسٹنگ ایجنسی ایک بین الاقوامی تنظیم ہے، جو غیر منافع بخش فاؤنڈیشن کے طور پر تشکیل دی گئی ہے، اس کا مشن بین الاقوامی فیڈریشنز، بڑے ایونٹ آرگنائزرز اور دیگر تمام تنظیموں کے لیےاینٹی ڈوپنگ پروگراموں کا انتظام کرنا ہے۔
لائیو ٹی وی