لاہور: شادی کے روز دلہن کے قتل کے الزام میں مقتولہ کا بہنوئی گرفتار
لاہور ڈویژن کے علاقے سندر میں شادی کے روز نوجوان لڑکی عائشہ حبیبہ کوقتل کرنے والے ملزم کو پولیس نے گرفتار کرلیا۔
ڈی آئی جی انویسٹی گیشن سید ذیشان رضا نے قتل کی واردات کا نوٹس لیا تھا جس کے بعد ایس پی انویسٹی گیشن صدرمعظم علی کی سربراہی میں ملزم کی گرفتاری کے لیے ٹیم تشکیل دی گئی تھی۔
انچارج انویسٹی گیشن تھانہ سندرانسپکٹر پاشا عمران نے پولیس ٹیم کے ہمراہ کارروائی کر کے ملزم کو گرفتار کر لیا۔
ڈی آئی جی انویسٹی گیشن کے مطابق ملزم اکرام مقتولہ کا بہنوئی ہے، ملزم نے مقتولہ کو رشتہ کے تنازعہ کی وجہ سے فائرنگ کرکے قتل کردیا تھا اور واردات کے بعد موقع سے فرار ہو گیا تھا۔
ڈی آئی جی انویسٹی گیشن کے مطابق مقتولہ عائشہ حبیبہ کےملزم کوجدید ٹیکنالوجی اور ہیومن انٹیلیجنس کی مدد سےگرفتارکیا گیا،۔
انہوں نے کہا کہ شواہد کی روشنی میں مضبوط چالان مرتب کرکےملزم کو قرار واقعی سزا دلوائی جائےگی۔
ڈی آئی جی سید ذیشان رضا کا کہنا تھا کہ قانون شکن عناصر سے آہنی ہاتھوں کےساتھ نمٹاجائےگا۔
لائیو ٹی وی