نئی دہلی: اوتار سنگھ کا ہندوستان بھر میں احترام کیا جاتا ہے، اور انہیں ایک مقدس شخصیت مانا جاتا ہے۔ ان کی انفرادیت ان کی پگڑی ہے، جس کا وزن سو پونڈ یعنی تقریبا ساڑھے پینتالیس کلوگرام ہے۔

اوتار سنگھ کی اس پگڑی کو کھولا جائے تو وہ اولمپک کے 13 سوئمنگ پولز کے سائز کے برابر ہوگی۔

ہندوستانی ریاست پنجا ب کے شہر پٹیا لہ کے ر ہا ئشی او تا ر سنگھ مو نی کا کہنا ہے کہ سو پو نڈ وزنی پگڑی پہننے کے باوجود نہ تو اُن کی پگڑی کبھی کھلی ہے اور نہ انہیں کبھی اس کا وزن محسوس ہوا ہے۔

اوتار سنگھ کی پگڑی کے کپڑے کی طوالت 645 میٹر ہے اور انہوں نے پگڑی پر سکھوں کے مخصوص مذہبی نشانات کرپان اور دیگر آرائشی اشیاء بھی سجا رکھی ہیں۔

اس قدر بھاری بھرکم پگڑی باندھ کر اوتار سنگھ ناصرف پید ل چلتے ہیں، بلکہ نوجوانوں کی طرح مو ٹر سا ئیکل بھی چلاتے ہیں۔

ان کا کہنا ہے کہ وہ سب سے وزنی پگڑی باندھنے کا عالمی ریکارڈ قائم کرنا چاہتے ہیں۔

ساٹھ برس کے اوتار سنگھ اس پگڑی کے سائز میں سولہ سال سے اضافہ کرتے جارہے ہیں، اور وہ کہتے ہیں کہ اس کے سائز میں اضافہ کو روکنے کا ان کا کوئی ارادہ نہیں۔

ان کا عزم ہے کہ ’’جب تک میرے اعضاء میں قوت موجود ہے، میں یہ پگڑی اپنے سر پر پہنے رہوں گا، میں نے اس کو کبھی بوجھ تصور نہیں ہے۔ میں اس کو پہن کر بہت زیادہ خوشی محسوس کرتا ہوں۔‘‘

ایک مقامی سکھ گرپیت سنگھ کہتے ہیں کہ ’’ان دنوں سکھوں کے بہت سے بچے اپنے بال کٹوارہے ہیں اور پگڑی پہننا بھول گئے ہیں۔‘‘