پاکستان سپر لیگ (پی ایس ایل) 2021 کے دوسرے میچ میں لاہور قلندرز نے پشاور زلمی کو باآسانی 4 وکٹوں سے شکست دے کر رواں سیزن میں پہلی کامیابی سمیٹی۔

نیشنل اسٹیڈیم کراچی میں پشاور زلمی نے پہلے بیٹنگ کی تو روی بوپارا نے لیگ کے رواں سیزن کی پہلی نصف سنچری بنائی اور اس کی بدولت ٹیم نے مقررہ اوورز میں 6 وکٹوں پر 140 رنز بنائے۔

قلندرز کے شاہین شاہ آفریدی نے 3 وکٹیں حاصل کیں اور سلمان مرزا نے 2 کھلاڑیوں کو آؤٹ کیا۔

لاہور قلندرز نے مطلوبہ ہدف 6 وکٹوں کے نقصان پر راشد خان کے برق رفتار 27 اور محمد حفیظ کے 33 رنز کی مدد سے حاصل کیا اور 4 وکٹوں سے میچ جیت لیا۔