الیکشن کمیشن آف پاکستان (ای سی پی) نے کراچی کی 6 یونین کونسلز میں ووٹوں کی دوبارہ گنتی کا حکم دے دیا.

الیکشن کمیشن نے جماعت اسلامی کی درخواستوں پر محفوظ شدہ فیصلہ سناتے ہوئے کراچی کی 6 یونین کونسلز پر دوبارہ گنتی کا حکم دیا۔

الیکشن کمیشن کی طرف سے جاری کردہ بیان کے مطابق دوبارہ گنتی مومن آباد کی یوسی 3، منگھوپیر یوسی 12 ، ضلع شرقی کے علاقہ گلشن کی یوسی 1 میں بھی دوبارہ گنتی ہوگی۔

الیکشن کمیشن کی طرف سے جارہ کردہ بیان میں کہا گیا ہے کہ اورنگی کی یوسی 3، 7 اور 8 میں بھی ووٹوں کی دوبارہ گنتی ہوگی۔

مزید کے لیے کلک کریں

خیال رہے کہ بلدیاتی انتخابات کے دوسرے مرحلے کے اختتام کے بعد کچھ یونین کونسلز پر گنتی پر اعتراضات اٹھائے گئے تھے جبکہ جماعت اسلامی نے الیکشن کمیشن میں 6 یونین کونسلز کے نتائج چیلنج کیے تھے۔

خیال رہے کہ 18 جنوری کو الیکشن کمیشن آف پاکستان نے کراچی میں منعقدہ بلدیاتی انتخابات میں بے قاعدگیوں کے حوالے سے جماعت اسلامی کی شکایت کا نوٹس لیتے ہوئے 6 یونین کونسلز کے کیسز کی سماعت 23 جنوری کو مقرر کی تھی۔

جماعت اسلامی کا دعویٰ تھا کہ وہ جن نشستوں پر کامیاب ہوئے تھے ان کے نتائج تبدیل کر کے ان پر پیپلز پارٹی کو فاتح قرار دے دیا گیا، تاہم الیکشن کمیشن کی جانب سے ان تمام تر دعووں کو مسترد کردیا گیا تھا۔