کئی پاکستانی شہری کورین ڈراموں کے علاوہ کورین گلوکاروں کے بھی مداح ہیں، یہی وجہ ہے کہ پاکستانی لوگوں میں کورین کھانوں کی بھی مانگ میں اضافہ ہوا ہے۔

آج کل لوگوں میں کورین پکوان کھانے کا رجحان بڑھ رہا ہے، جن میں کمچی، کارن ڈوگ، رامن نوڈلز شامل ہیں۔

آج ہم بھی آپ کو کورین اسٹریٹ ٹوسٹ بنانا سکھائیں گے جو مختلف سبزیوں سے تیار کیا گیا ہے، جو صحت کے لیے بھی فائدہ مند ہے۔

اجزا:

آدھی گوبھی

ایک گاجر

2 ہری پیاز

2 انڈے

بریڈ کے سلائس

چیز (cheese)

کیچپ

مایونیز

ترکیب:

سب سے پہلے ایک پیالے میں 2 انڈے پھینٹ لیں، اب 2 باریک ہری پیاز، ایک گاجر اور گوبھی کو آدھا باریک کاٹ کر انڈے میں شامل کرلیں اور اچھی طرح مکس کریں۔

اب توے میں ایک چمچ آئل یا گھی گرم کریں اور ہلکی آنچ پر اس میں انڈے اور سبزی کا مکسچر ڈال دیں، دونوں سائیڈ سے اسے سنہرا ہونے تک فرائی کریں اور ایک پلیٹ میں نکال دیں۔

اب توے میں بریڈ کے سلائس کو دونوں طرف سے ہلکی آنچ میں براؤن کرلیں۔

اب بریڈ کی ایک سلائس پر فرائی کیا ہوا انڈے اور سبزی کا مکسچر رکھیں اور اس کے اوپر چیز ڈال دیں، آپ چاہیں تو بریڈ کی سلائس میں کیچپ اور مایونیز بھی ڈال سکتے ہیں، اس کے بعد بریڈ کا دوسرا سلائس اوپر رکھ کر سینڈوچ بنا لیں۔

مزیدار کورین اسٹریٹ ٹوسٹ تیار ہے، اسے آپ دفتر، بچوں کے لیے لنچ باکس اور صبح ناشتے میں باآسانی تیار کرسکتے ہیں۔

اس ترکیب کی ویڈیو دیکھنے کے لیے یہاں کلک کریں۔