ورلڈ کپ 2023 میں پاکستان نے شاہین شاہ آفریدی کی عمدہ باؤلنگ اور فخر زمان کی جارحانہ بیٹنگ کی بدولت بنگلہ دیش کو 7 وکٹوں سے شکست دے کر سیمی فائنل تک رسائی کی امیدوں کو برقرار رکھا۔

کولکتہ کے ایڈن گارڈنز میں کھیلے گئے میچ میں بنگلہ دیش کی ٹیم نے ٹاس جیت کر پہلے خود بیٹنگ کا فیصلہ کیا لیکن شاہین اور دیگر پاکستانی باؤلرز نے یہ فیصلہ غلط ثابت کر دکھایا اور پوری بنگلہ دیشی ٹیم صرف 204رنزپر ڈھیر ہو گئی۔

شاہین اور محمد وسیم جونیئر نے تین، تین اور دو وکٹیں حارث رؤف نے لیں۔

ہدف کے تعاقب میں فخر زمان اور عبداللہ شفیق نے پاکستان کو 128 رنز کا عمدہ آغاز فراہم کر کے فتح کی راہ ہموار کی اور پاکستان نے 105 گیندیں قبل ہی ہدف حاصل کر لیا۔

مین آف دی میچ فخر زمان نے 81 اور عبداللہ شفیق نے 68 رنز کی اننگز کھیلی۔