ورلڈ کپ 2023 کے فائنل میں آسٹریلیا نے ٹریوس ہیڈ کی شاندار سنچری اور باؤلرز کی عمدہ باؤلنگ کی بدولت بھارت کو باآسانی 6 وکٹوں سے شکست دے کر چھٹی بار ورلڈ چیمپیئن بننے کا اعزاز حاصل کر لیا۔

احمد آباد کے نریندر مودی اسٹیڈیم میں ایک لاکھ بھارتی تماشائیوں کے سامنے بھارتی ٹیم کو شکست دے کر آسٹریلیا ورلڈ چیمپیئن بن گیا۔

فائنل میں بھارت نے پہلے کھیلتے ہوئے 50 اوورز میں 240 رنز کا ہدف دیا جس کے تعاقب میں آسٹریلیا نے 4 وکٹوں کے نقصان پر 43 اوورز میں ہدف باآسانی ہدف حاصل کرلیا۔

پورے ٹورنامنٹ میں ناقابل شکست ٹیم ہونے کے بعد فائنل میں پہلی شکست پر بھارت ٹیم کے کھلاڑی مایوس دکھائی دیے۔