رواں سال قومی معیشت میں 4 فیصد سے زیادہ اضافہ ہو گا، ڈار
اسلام آباد : وفاقی وزیر خزانہ اسحاق ڈار نے توقع ظاہر کی ہے کہ مالی سال 2013-14ءکے دوران قومی معیشت میں 4 فیصد سے زیادہ اضافہ ہو گا۔
اتوار کو قازخستان کے دارالحکومت آسانہ میں ایشیائی ترقیاتی بینک کے بورڈ آف گورنرز کے 47ویں سالانہ اجلاس کے پہلے بزنس سیشن سے خطاب کرتے ہوئے انہوں نے کہا کہ زرعی اور صنعتی شعبوں میں ترقی کے باعث افراط زر کی شرح یک ہندسی رہے گی۔
انہوں نے کہا کہ محصولات میں اضافہ، اخراجات میں کمی، برآمدات اور ترسیل زر میں مثبت اضافہ کے باعث مالیاتی خسارہ کم ہو کر 6 فیصد رہ گیا ہے۔
انہوں نے کہا کہ ملک کے اندر ضروری اصلاحات شروع کی گئی ہیں جبکہ اضافی روابط اور ترجیحی معاہدوں کے ذریعے علاقائی یک جہتی کو فروغ دیا جا رہا ہے۔
لائیو ٹی وی