موجودہ فلموں میں ولن کا کردار ختم ہوگیا، پریم چوپڑا
ممبئی : معروف اداکارپریم چوپڑا نے کہا ہے کہ موجودہ فلموں میں ولن کا کردار ختم ہوگیا اور اب ہیرو خود ہی ولن بن رہے ہیں ۔
چوپڑا نے ایک انٹرویومیں کہا کہ پہلے فلموں میں ہیرو ، ہیروئن کے ساتھ ولن کا کردار ضرور شامل ہوتا تھا جس کے بغیر کوئی پروڈیوسر یا ڈائریکٹر فلم بنانے کا تصور بھی نہیں کرتا تھا ۔
'اسی لیے جیون ، پران ، امجد خان ، قادر خان ، امریش پوری ، انوپم کھیر ، رنجیت ، شکتی کپور ،گلشن گروور ، پاریش راول اور میرے سمیت بہت سے فنکار ولن کرداروں سے پہچانے جاتے ہیں '۔
انھوں نے کہا کہ 2012ء میں سیف علی خان کی فلم ’’ایجنٹ ونود‘‘ میں ڈیوڈ قازان کا کردار نبھایا تھا، بعد میں اسے مختصر کردیا گیا لیکن اس کے باوجود پسند کیا گیا۔
انہوں نے ایک سوال کے جواب میں کہا 'اب تو فلموں میں دادا کے کردار ہی نبھا رہا ہوں'۔
پریم چوپڑا نے کہا کہ بولی وڈ فلموں میں ولن کے کردار کو دوبارہ سے نمایاں کیا جانے لگا ہے۔
'ان دنوں پرکاش راج ولن کے رول میں چھائے ہوئے ہیں مگر پروڈیوسرز اور ڈائریکٹرز اسے ایک ہی طرح کے کردار میں دکھا کر ضائع کر رہے ہیں'۔
لائیو ٹی وی