سونے کی قیمتوں میں اضافہ
کراچی: صرافہ مارکیٹ میں سونے کی قیمتوں میں تیزی کا رجحان رہا۔
پیر کو سونا تیزابی فی 10 گرام اور فی تولہ کی بھاؤ میں بالترتیب 472 روپے اور 550 روپے کا اضافہ ہوگیا۔
آل سندھ صراف ایسوسی ایشن کے مطابق صرافہ مارکیٹوں میں سونا تیزابی فی 10 گرام گذشتہ کاروباری روز کی قیمت 41 ہزار 142 روپے سے بڑھ کر 41 ہزار 614 روپے اور فی تولہ کے بھاؤ 48 ہزار روپے سے بڑھ کر 48 ہزار 550 روپے ہوگئی۔
بین الاقوامی مارکیٹ میں سونے کی قیمت 8 ڈالر کی تیزی سے 1 ہزار 280 ڈالر فی اونس پر بند ہوئی۔ مقامی مارکیٹوں میں 22 قیراط سونے کی قیمت 38 ہزار 146 روپے ریکارڈ کی گئی۔
ایسوسی ایشن نے مزید بتایا کہ صرافہ مارکیٹوں میں چاندی تیزابی فی 10 گرام گذشتہ کاروباری روز کے بھاؤ 617.14 روپے اور فی تولہ کی قیمت 720 روپے پر برقرار رہی جبکہ بین الاقوامی مارکیٹ میں چاندی فی 10 گرام کے بھاؤ 19.57 ڈالر پر بند ہوئے۔
لائیو ٹی وی