نواز شریف 17 نومبر سے ازبکستان کا دورہ کریں گے
اسلام آباد: وزیراعظم نواز شریف (کل) منگل کو دو روزہ سرکاری دورہ پر ازبکستان جائیں گے۔
اس دورے میں وہ ازبکستان کے صدر اسلام کریموف سے ملاقات کریں گے جس میں دوطرفہ تعلقات کے تمام پہلوﺅں پر تبادلہ خیال ہوگا۔
وزیراعظم کی ازبک صدر کے ساتھ ملاقات میں باہمی دلچسپی کے علاقائی اور بین الاقومی امور پر بات چیت کی جائے گی۔
وہ خطے میں امن اور سلامتی کی بدلتی ہوئی صورتحال کا جائزہ لینے کے ساتھ ساتھ خطے میں دہشت گردی کا مقابلہ کرنے کے لئے مل کر کام کرنے کے طریقوں پر بھی تبادلہ خیال کریں گے۔
اس دوران مشترکہ اعلامیہ اور دوطرفہ تعلقات کو فروغ دینے کے لئے دستاویزات پر دستخط بھی کئے جائیں گے۔
لائیو ٹی وی