جدیجا آسٹریلیا کے خلاف تیسرے ٹیسٹ کیلئے فٹ قرار
میلبرن: بھارتی ٹیم کے آل راؤنڈر رویندرا جدیجا کی فٹنس کے حوالے سے چھائے بے یقینی کے بادل چھٹ چکے ہیں اور وہ آسٹریلیا کے خلاف تیسرے ٹیسٹ میچ کے لیے دستیاب ہوں گے۔
بھارتی ٹیم کے کوچ روی شاستری نے انکشاف کیا تھا کہ جدیجا کندھے کی انجری سے سو فیصد فٹ نہیں ہوئے اور اگر وہ 70 سے 80 فیصد بھی فٹ ہوئے تو ہم انہیں کینگروز کے خلاف تیسرا ٹیسٹ کھلا کر کوئی خطرہ مول لینا نہیں چاہتے اس لیے اس وقت باکسنگ ڈے ٹیسٹ میں ان کی شرکت کے بارے کچھ نہیں کہا جا سکتا۔
تاہم بھارتی بورڈ نے انہیں تیسرے ٹیسٹ میچ کے لیے فٹ قرار دیتے ہوئے کہا ہے کہ ویسٹ انڈیز کے خلاف ون ڈے سیریز میں کندھے کی انجری کا شکار ہونے والے اب صحتیاب ہو چگئے ہیں اور انہوں نے رانجی ٹرافی کے میچ میں بغیر کسی مسئلے کے 64اوورز کرائے۔
بھارتی بورڈ نے کہا کہ رویندرا جدیجا بالکل فٹ ہیں اور انہیں آسٹریلیا کے خلاف تیسرے ٹیسٹ میچ کے لیے منتخب کر لیا گیا ہے۔
بھارت اور آسٹریلیا کے درمیان تیسرا ٹیسٹ 26 دسمبر سے شروع ہو گا، دونوں ٹیموں کے درمیان چار میچوں کی سیریز 1-1 سے برابر ہے۔
لائیو ٹی وی