ورلڈ کپ 2019 کا آفیشل گانا جاری کردیا گیا
انگلینڈ کےمیدانوں پر کرکٹ کا عالمی میلہ سجنے میں صرف دو ہفتے باقی ہیں اور اسی سلسلے میں انٹرنیشنل کرکٹ کونسل(آئی سی سی) نے ورلڈکپ کا آفیشل گانا جاری کردیا۔
برطانیہ کے معروف بینڈ روڈیمنٹل اور ابھرتی ہوئی آرٹسٹ لورین نے ورلڈکپ کا گانا گایا ہے جس کا نام 'اسٹینڈ بائی' ہے۔
اس گانے میں ورلڈ کپ میں شرکت کرنے والے تمام 10 ممالک کے افراد کو جھومتے گاتے ہوئے اور کرکٹ کا جشن مناتے ہوئے دکھایا گیا ہے۔
مزید پڑھیں: ورلڈکپ 2019 کی فاتح ٹیم کو کتنی رقم ملے گی؟ آئی سی سی نے اعلان کردیا
اس آفیشل گانے کو عالمی کپ کے دوران تمام میچز میں میدانوں اور شہروں میں بجایا جائے گا۔
55دن تک جاری رہنے والے عالمی کپ کے دوران دنیا کے اربوں شائقین کو 48دلچسپ میچ دیکھنے کو ملیں گے اور اس دوران ان کا جوش و جذبہ بڑھانے کے لیے یہ گانا اسٹیڈیم میں بجایا جائے گا۔
عالمی کپ کا آغاز رواں 30مئی سے میزبان انگلینڈ اور جنوبی افریقہ کے درمیان میچ سے ہو گا۔
لائیو ٹی وی