پاکستان کو ایشیا کپ پریکٹس میچ میں جنوبی کوریا سے شکست
پاکستان نے ایشیا کپ کی مہم کا مایوس کن آغاز کیا ہے، اسے جکارتہ میں پریکٹس میچ کے دوران جنوبی کوریا کے 2 گول کے مقابلے میں 1 گول کرنے پر شکست کا سامنا کرنا پڑا۔
پاکستان ہاکی فیڈریشن کی طرف سے جاری تفصیلات کے مطابق پاکستان کی طرف سے واحد گول علی شان نے کیا جبکہ جنوبی کوریا کی جانب سے ایک فیلڈ گول جبکہ دوسرا گول شارٹ کارنر کے ذریعے ہوا۔
پاکستانی ٹیم اپنے پہلے پول میچ میں روایتی حریف بھارت سے پیر کو مقابلہ کرے گی، جبکہ قومی ٹیم اپنا دوسرا پول میچ بدھ کو انڈونیشیا کے خلاف کھیلے گی۔
واضح رہے کہ آئندہ برس ہونے والے ورلڈکپ کے لیے بھی ایشیا کپ کا کردار کولیفائر کی طرح ہوگا، ورلڈ کپ میں ایشیا کی 4 ٹیمیں حصہ لیں گی۔
لائیو ٹی وی