سونے کی قیمتوں میں آج پھر بڑی کمی ریکارڈ
ملک بھر میں آج بھی سونے کی قیمتوں میں بڑی کمی ہو گئی۔
سرکاری خبر رساں ادارے ’اے پی پی‘ کے مطابق آل پاکستان صرافہ جیمز اینڈ جیولرز ایسوسی ایشن نے رپورٹ کیا کہ 24 قیراط فی تولہ سونے کے نرخ 3 ہزار روپے تنزلی سے 3 لاکھ 3 ہزار 300 روپے پر آگئے۔
اسی طرح 24 قیراط کے حامل 10 گرام خالص سونے کے دام 2 ہزار 829 روپے کم ہو کر 2 لاکھ 59 ہزار 773 روپے ریکارڈ کیے گئے ہیں جبکہ 22 قیراط 10 گرام سونا 2 ہزار 594 روپے کمی سے 2 لاکھ 38 ہزار 133 روپے میں فروخت ہوا۔
ادھر، چاندی کی فی تولہ اور 10 گرام قیمت 3 ہزار 314 روپے اور 2 ہزار 841 روپے پر مستحکم رہی۔
ایسوسی ایشن نے رپورٹ کیا کہ عالمی منڈی میں فی اونس سونے کی قیمت 29 ڈالر تنزلی سے 2 ہزار 887 ڈالر پر آگئی۔
واضح رہے کہ گزشتہ روز 24 قیراط کے حامل فی تولہ خالص سونے کے دام 2 ہزار 400 روپے گر کر 3 لاکھ 6 ہزار 300 روپے پر آ گئے تھے۔
اسی طرح 24 قیراط 10 گرام سونے کے نرخ 2 ہزار 58 روپے تنزلی سے 2 لاکھ 62 ہزار 602 روپے ہوگئے تھے جبکہ 22 قیراط 10 گرام سونا ایک ہزار 886 روپے تنزلی سے 2 لاکھ 40 ہزار 727 روپے میں فروخت ہوا تھا۔
ایسوسی ایشن نے رپورٹ کیا تھا کہ بین الاقوامی مارکیٹ میں سونے کی قیمت 24 ڈالر فی اونس کم ہو کر 2 ہزار 916 ڈالر ریکارڈ کی گئی ہے۔
لائیو ٹی وی