پاکستان میں رواں سال پولیو کے مزید 2 کیسز رپورٹ
پاکستان میں وائلڈ پولیو وائرس ٹائپ ون (ڈبلیو پی وی ون) کے دو نئے کیسز کی تصدیق ہوئی ہے۔
ڈان اخبار کی رپورٹ کے مطابق نیشنل انسٹی ٹیوٹ آف ہیلتھ میں انسداد پولیو کی ریجنل ریفرنس لیبارٹری نے سندھ کے شہر قمبر اور پنجاب کے شہر منڈی بہاالدین میں پولیو کیسز کی نشاندہی کی تصدیق کی ہے۔
لیبارٹری کے ایک عہدیدار نے ڈان کو بتایا کہ یہ سندھ سے تیسرا اور رواں سال پنجاب سے پہلا پولیو کیس ہے جس کے بعد 2025 میں پولیو کیسز کی مجموعی تعداد 5 ہوگئی ہے۔
اس سے قبل 2025 میں سندھ کے اضلاع بدین اور لاڑکانہ اور خیبر پختونخوا کے ضلع ڈیرہ اسمٰعیل خان میں 3 کیسز رپورٹ ہوئے تھے۔
گزشتہ سال ملک بھر میں وائلڈ پولیو وائرس ٹائپ ون کے 74 کیسز رپورٹ ہوئے تھے، ان میں سے 27 کا تعلق بلوچستان، 23 کا سندھ، 22 کا خیبر پختونخوا اور ایک ایک کا تعلق پنجاب اور اسلام آباد سے تھا۔
لائیو ٹی وی