کراچی: مواچھ گوٹھ میں فائرنگ سے پانچ افراد ہلاک
کراچی: پاکستان کے سب سے بڑے شہر کراچی کے علاقے بلدیہ ٹاؤن میں واقع مواچھ گوٹھ میں نامعلوم افراد کی فائرنگ سے دو بھائیوں سمیت پانچ افراد ہلاک ہوگئے۔
ڈان نیوز ٹی وی کے مطابق ہلاک ہونے والے تمام افراد کا تعلق ایک ہی خاندان سے تھا۔
ہلاک ہونے والوں کی شناخت تاج محمد، فیصل، شعیب، اسماعیل اور جاوید کے ناموں سے ہوئی ہے۔
ان افراد کو شناخت کرنے کے بعد گولیاں مار کر قتل کیا گیا۔
واقعہ کے بعد ہلاک افراد کی لاشوں کو سول ہسپتال منتقل کردیا گیا۔
اس سے قبل گزشتہ روز اتوار کو بھی شہر کے علاقوں کورنگی انڈسٹریل ایریا میں ویٹا چورنگی کے قریب نامعلوم افراد کی فائرنگ سے دو افراد ہلاک اور دو زخمی ہوگئے تھے۔
تاہم اسی دوران پولیس نے مختلف علاقوں میں ٹارگیٹڈ آپریشن کے دوران اکیاسی مشتبہ افراد کو گرفتار کرنے کا دعوٰی کیا تھا۔
لائیو ٹی وی