خیبر ایجنسی میں دھماکا، تین رضاکار ہلاک
پشاور: خیبر ایجنسی کی وادی تراہ میں ایک ریموٹ کنٹرول بم حملے میں تین امن رضاکار ہلاک جبکہ دو زخمی ہوگئے۔
سرکاری ذرائع کے مطابق یہ دھماکا توحید الاسلام امن کمیٹی کے ایک مظاہرے کے دوران نرے بابا کے قریب ہوا۔
ذرائع کے مطابق دھماکے میں تین امن رضاکار ہلاک جبکہ دو زخمی ہوگئے۔ دھماکے کے بارے میں کہا جارہا ہے کہ یہ ریموٹ کنٹرول کے ذریعے کیا گیا۔
واقعہ کے بعد سیکورٹی فورسز نے علاقے کو گھیرے میں لے لیا۔
خیال رہے کہ پاکستانی فوج کی جانب سے ایجنسی میں خیبرون آپریشن جاری ہے جبکہ دوسری جانب شمالی وزیرستان میں آپریشن ضرب عضب کے دوران متعدد شدت پسندوں کو ہلاک یا گرفتار کیا جاچکا ہے۔
خیبر ایجنسی افغان سرحد کے قریب پاکستان کی سات نیم خودمختار قبائلی ضلعوں میں سے ایک ہے۔
لائیو ٹی وی