چترال میں رینڈم ٹیسٹنگ میں کورونا وائرس کے 24 کیسز کی تصدیق
چترال کے گاؤں مدک لشت کے 24 رہائشیوں میں رینڈم ٹیسٹنگ کے دوران کورونا وائرس کی تشخیص ہوگئی۔
ڈان اخبار کی رپورٹ کے مطابق محکمہ صحت کی جانب سے 40 افراد کے نمونے لیبارٹری بھیجے گئے تھے۔
آغا خان ہیلتھ سروس پاکستان کے ریجنل ہیڈ معراج الدین نے ضلع سوات کی سرحد کے قریب واقع گاؤں میں اس پپیشرفت کی تصدیق کی اور کہا کہ اکر کیسز رینڈم ٹیسٹنگ میں سامنے آئے اور انہوں نے ملک کے دیگر علاقوں کا سفر بھی کیا تھا۔
انہوں نے کہا کہ 20 کیسز میں علامات ظاہر نہیں ہوئی اور وہ اپنے گھروں میں آئسولیشن میں ہیں جبکہ دیگر کو اے کے یو ایچ ایس کورونا وائرس ایمرجنسی رسپونس سینٹر منتقل کیا گیا ہے۔
لائیو ٹی وی