اینٹی کرپشن کوڈ کی خلاف ورزی پر آصف آفریدی معطل
خیبر پختونخوا کے لیگ اسپنر آصف آفریدی کو پاکستان کرکٹ بورڈ (پی سی بی) نے معطل کردیا، آصف آفریدی کو پاکستان کرکٹ بورڈ کے اینٹی کرپشن کوڈ کی 2 مبینہ خلاف ورزیوں کے بعد عارضی طور پر معطل کیا گیا ہے۔
ڈان اخبار میں شائع رپورٹ کے مطابق پی سی بی کی جاری کردہ پریس ریلیز میں بتایا گیا کہ آصف آفریدی کو ایک روز قبل ہی معطل کردیا گیا تھا اور تحقیقات مکمل ہونے تک آصف آفریدی کرکٹ کی سرگرمیوں میں حصہ نہیں لے سکیں گے۔
یہ بھی پڑھیں: بھارت کو شکست دے کر پاکستان نے ورلڈ پولو چیمپیئن شپ کے لیے کوالیفائی کر لیا
پاکستان کرکٹ بورڈ نے آصف آفریدی کی معطلی سے متعلق کہنا تھا کہ آصف آفریدی کو اینٹی کرپشن کوڈ کے آرٹیکل 2.4 کی خلاف ورزی پر نوٹس جاری کیا گیا۔
آصف آفریدی جاری نیشنل ٹی20 کپ میں خیبر پختونخوا کے اسکواڈ کا حصہ تھے، تاہم یہ واضح نہیں ہوسکا کہ ٹورنامنٹ کے دوران آصف آفریدی سے کیا جرم سرزد ہوا۔
مزید پڑھیں: ہم کب پسند ناپسند اور دوستی نبھانے کے کلچر سے باہر نکلیں گے، شعیب ملک کا سوال
35 سالہ آصف علی آفریدی رواں سال آسٹریلیا کے خلاف پاکستان روسٹر وائٹ بال سیریز کا بھی حصہ تھے۔
لائیو ٹی وی