ایک سیاسی جماعت نے ریاست مخالف سرگرمیاں کیں، میڈیا ایسے خطرناک ٹرینڈ کو پروموٹ نہ کرے، پیمرا
پاکستان الیکٹرانک اینڈ میڈیا ریگولیٹری اتھارٹی (پیمرا) کی جانب سے 9 مئی کے شدت پسند واقعات کے تناظر میں نفرت اور اشتعال آمیز مواد نشر کرنے پر پابندی لگا دی گئی۔
پیمرا کی جانب سے جاری نوٹی فکیشن میں کہا گیا کہ 9 مئی کو ریاستی اداروں کو نشانہ بنایا گیا، ایک سیاسی جماعت کے شدت پسندوں نے ریاست مخالف سرگرمیاں کیں، ایسے خطرناک ٹرینڈ کو پروموٹ کرنے سے میڈیا پر بائیکاٹ ہونا چاہئیے۔
مزید کہا گیا کہ ٹی وی چینلز نفرت پھیلانے والوں اور سہولت کاروں کو پروموٹ نہ کریں۔
نوٹی فکیشن میں کہا گیا کہ تمام ٹی وی چینلز پیمرا قوانین پر سختی سے عملدرآمد کو یقینی بنائیں، ٹی وی چینلز ٹائم ڈیلے میکانزم کو بھی یقینی بنائیں۔
لائیو ٹی وی