فلسطین سے متعلق متنازع بیان پر صدر مملکت سے مستعفی ہونے کا مطالبہ
پاکستان پیپلزپارٹی کے سینیٹر رضاربانی نے فلسطین اور اسرائیل سے متعلق متنازع بیان پر صدر مملکت ڈاکٹر عارف علوی سے مستعفی ہونے کا مطالبہ کردیا۔
سینیٹ میں اظہار خیال کرتے ہوئے سینیٹر رضا ربانی نے کہا کہ کچھ روز قبل صدر مملکت ڈاکٹر عارف علوی نے فون پر فلسطین کے صدر کے ساتھ بات کی، اس حوالے سے ایوان صدر سے جو پریس ریلیز جاری ہوئی اس کے مطابق یہ کہا گیا کہ اسرائیل اور فلسطین تنازع کا ’ایک ریاستی حل‘ ہونا چاہیے۔
انہوں نے کہا کہ یہ پوزیشن تو پاکستان کی کبھی نہیں رہی، صدر مملکت سے اس بیان پر استعفی کا مطالبہ کرتا ہوں، اُن کے اس بیان کے بعد وزارت خارجہ کی جانب سے کیا اقدامات اٹھائے گئے؟
لائیو ٹی وی