مالیاتی شمولیت عوام کی سیاسی شمولیت کے بغیر ممکن نہیں، صدر مملکت
صدر مملکت عارف علوی نے کہا ہے کہ مالیاتی شمولیت عوام کی سیاسی شمولیت کے بغیر ممکن نہیں ہے۔
اسلام آباد میں ہوسٹنگ بزنس نیٹ 2024 کے تیسرے ایڈیشن سے خطاب کرتے ہوئے صدر مملکت نے کہا کہ عوامی مینڈیٹ کا احترام کرنا اور سیاسی شمولیت یقینی بنانا ناگزیر ہے، کروڑوں نوجوان ووٹرز کی جانب سے جمہوری نظام پر اعتماد کا اظہار قابل تحسین ہے۔
ان کا کہنا تھا کہ اگر نظام پر نوجوانوں کا اعتماد متزلزل ہوا تو یہ ملکی مفاد میں نہیں ہوگا۔
صدر مملکت نے عوامی مینڈیٹ کا احترام کرنے کی ضرورت پر زور دیتے ہوئے کہا کہ پاکستان میں سوشل میڈیا ویب سائٹس کی بندش کی وجہ تنقید کا سامنا کرنے کے لیے فکری صلاحیت کی کمی ہے۔
ان کا کہنا تھا کہ افسوس ہے کہ قابل افراد کو سیاست سے نکالا جا رہا ہے۔
لائیو ٹی وی