اداکارہ حریم سہیل نے دلہا کے ہمراہ مہندی کی ویڈیوز شیئر کردیں
نوجوان اداکارہ حریم سہیل ان دنوں اپنی شادی کی تقریبات میں مصروف ہیں، گزشتہ روز ان کی مہندی کی تقریب کا انعقاد کیا گیا، جس میں انہوں نے اپنے دلہے کے ساتھ ویڈیوز اور تصاویر شیئر کردیں۔
ان دنوں پاکستانی شوبز انڈسٹری میں شہنائیوں کی گونج سنائی دے رہی ہے،کبریٰ خان اور گوہر رشید کی شادی کی خبر کے بعد اب سینیئر اداکارہ بینا چوہدری کی بیٹی اداکارہ حریم سہیل کی شادی کی تقریبات کی ویڈیوز اور تصاویر وائرل ہو رہی ہیں۔
محض 7 برس کی عمر میں انڈسٹری میں قدم رکھنے والی حریم سہیل نے گھسی پٹی محبت، بددعا، عشق بے پروا اور اقتدار جیسے ڈراموں میں بےمثال اداکاری سے ناظرین کے دلوں میں جگہ بنائی۔
گزشتہ دنوں انہوں نے اپنے انسٹاگرام اکاؤنٹ پر اپنی مایوں کی تصاویر اور ویڈیوز پوسٹ کی تھیں، اب انہوں نے مہندی کی تقریبات کی ویڈیوز اور تصاویر شیئر کردیں۔
انہوں نے موجودہ دور کے فیشن ٹرینڈز کے برعکس شادی کے حوالے سے ’گرینڈ اعلان‘ نہیں کیا، تاہم پیلے رنگ کے جوڑے میں روایتی جوڑے میں ویڈیوز پوسٹ کیں۔
تصاویر اور ویڈیوز میں روایتی مایوں کی جھلک نمایاں تھی۔
سوشل میڈیا صارفین کی جانب سے اداکارہ کے لباس، انداز اور تقریب کی سجاوٹ کو خوب سراہا گیا، جس میں سادگی کا عنصر بھی غالب تھا۔
تاہم ان کے مداحوں کی جانب سے دلہے کے حوالے سے قیاس آرائیاں کی جا رہی تھیں کہ وہ کون ہیں؟
اب اداکارہ نے اپنی مہندی کی چند تصاویر اور ویڈیوز شیئر کی ہیں، جن میں ان کے ہونے والے دلہا کو بھی دیکھا جاسکتا ہے۔
مایوں ہی کی تقریب کی طرح مہندی کی تقریب میں بھی روایتی رنگوں کو اہمیت دی گئی۔
حریم سہیل نے سبز رنگ کی لانگ فراک زیب تن کی جب کہ ان کے ہونے والے شوہر بھی اسی رنگ کے لباس میں ملبوس نظر آئے۔
ویڈیو کے آغاز میں اداکارہ کو اپنے دلہا کا ہاتھ تھامے انتہائی پر مسرت انداز میں وینیو میں داخل ہوتے دیکھا جاسکتا ہے۔
ان کے ہاتھوں میں رچا حنا کا گہرا رنگ بھی خوب مرکز توجہ رہا۔
ویڈیو میں دلہا، دلہن کو اپنے دوست و احباب کے ساتھ خوشگوار موڈ میں ڈانس کرتے بھی دیکھا جا سکتا ہے۔
دوسری جانب حریم سہیل نے ابھی تک اس راز سے پردہ نہیں اٹھایا کہ ان کے ہونے ولے شوہرکون ہیں اور ان کا تعلق کس پروفیشن سےہے۔
دلہا کے حوالے سے اندازے لگاتے ہوئے ان کے انسٹاگرام فولوورز کا کہنا ہے کہ وہ شاید اداکارہ کے کزن ہیں۔
لائیو ٹی وی