اداکار احمد علی اکبر نے ماہم بتول کے ساتھ شادی کی تصدیق کردی
معروف پاکستانی اداکار احمد علی اکبر نے ماہم بتول کے ساتھ زندگی کے نئے سفر کا آغاز کردیا، تاہم اداکار نے شادی کی تصاویر ری پوسٹ کرنا پرائیوسی کے خلاف قرار دے دیا۔
پری زاد کے کردار سے ناظرین کے دل جیتنے والے احمد علی اکبر نے سوشل میڈیا کانٹینٹ کریئٹر اور وکیل ماہم بتول سے شادی کی ہے۔
اداکار معروف ہونے کے باوجود اپنی نجی زندگی میڈیا کی چکا چوند سے دور رکھنے کے قائل ہیں۔
یہی وجہ ہے کہ انہوں نے اپنی شادی کی دیگر تقریبات کی تصاویر بھی سوشل میڈیا پر شیئر نہیں کیں۔
حال ہی میں ان کی سوشل میڈیا کانٹینٹ کریئٹر سے شادی کی خبریں سامنے آئی تھیں۔
کچھ روز قبل فوٹواور ویڈیو شیئرنگ ایپ انسٹاگرام پر مخلتف شوبز پیجز پر احمد علی اکبر کی قوالی نائٹ کی تصاویرپوسٹ کی گئیں۔
جس میں دلہا اور دلہن اپنے دوست و احباب کے گرد نظر آئے۔
تاہم اب اداکار نے اپنی شادی کی تصاویر خود شیئر کردی ہیں۔
انہوں نے انسٹاگرام پر تصاویر شیئر کرتے ہوئے اپنے مداحوں کو شادی کی خوش خبری دی اور ساتھ ہی لکھا کہ ’میرا دل میری زندگی، میرا سکون میرا گھر۔‘
تاہم اداکار نے ساتھ ہی یہ بھی لکھا کہ ہماری تصاویر کو ری پوسٹ نہیں کیا جائے۔
شادی کی پوسٹ کے بعد ان کے مداحوں اور شوبز کے دیگر ساتھیوں کی جانب سے مبارک باد کا سلسلہ جاری ہے
لائیو ٹی وی