• KHI: Maghrib 6:50pm Isha 8:08pm
  • LHR: Maghrib 6:25pm Isha 7:48pm
  • ISB: Maghrib 6:32pm Isha 7:58pm
  • KHI: Maghrib 6:50pm Isha 8:08pm
  • LHR: Maghrib 6:25pm Isha 7:48pm
  • ISB: Maghrib 6:32pm Isha 7:58pm

بھارت میں میری خوبصورتی کا موازنہ ایشوریا اور مادھوری سے کیا گیا، میرا

شائع February 28, 2025
—فوٹو: انسٹاگرام
—فوٹو: انسٹاگرام

ماضی کی مقبول فلمی ہیروئن میرا نے دعویٗ کیا ہے کہ جب وہ بھارت میں کام کرنے گئیں تب ان کی خوبصورتی اور حسن کا موازنہ مادھوری ڈکشٹ اور ایشوریا رائے سے کیا گیا۔

میرا نے حال ہی میں ’ڈسکور پاکستان‘ کو مختصر انٹرویو میں یہ دعویٰ بھی کیا کہ انہیں کبھی کسی کرکٹر میں کوئی دلچسپی رہی نہ انہوں نے کبھی کسی سے پیار کیا۔

اداکارہ کا کہنا تھا کہ انہیں کبھی کسی سے پیار نہیں ہوا اور کرکٹرز سے میں تو ان کی کوئی دلچسپی ہی نہیں تھی۔

جب اداکارہ سے پوچھا گیا کہ انہوں نے شادی کے لیے دلہا تلاش کرلیا ہے یا ابھی بھی تلاش جاری ہے تو انہوں نے مبہم جواب دیا اور کہا کہ ’کچھ کچھ ہے‘۔

میرا نے دلہا تلاش کرنے کے جواب میں کہا کہ یہ سرپرائز ہے، کچھ کچھ ہے اور کچھ کچھ ہوتا ہے۔

میرا نے بات کرتے ہوئے بتایا کہ ان دنوں وہ ایک فلم سمیت ڈرامے کی شوٹنگ میں مصروف ہیں جب کہ وہ جلد ہی ’مائی ڈیئر ہسبینڈ‘ نامی منصوبے کا بھی آغاز کرنے والی ہیں۔

اداکارہ نے بتایا کہ حال ہی میں بھارت میں ان کی پرانی فلم ’سمرن‘ کو دوبارہ ریلیز کیا گیا ہے، جسے لوگ کافی پسند کر رہے ہیں۔

ان کے مطابق بھارتی مداح ان سے ان کی فلم کی تعریفیں کر رہے ہیں جب کہ ڈسٹری بیوٹرز بھی انہیں بتا رہے ہیں کہ ان کی فلم کو پورے بھارت میں پسند کیا جا رہا ہے۔

ایک اور سوال کے جواب میں میرا نے بتایا کہ جب ماضی میں وہ بھارت کام کرنے گئیں تو ان کے حسن کی تعریفیں کی گئیں۔

انہوں نے بتایا کہ بھارت میں ان کی خوبصورتی کا موازنہ بولی وڈ اداکاراؤں ایشوریا رائے اور مادھوری ڈکشٹ سے کیا گیا۔

میرا کی جانب سے اپنی خوبصورتی کا موازنہ بھارتی اداکاراؤں سے کیے جانے کی پر بات پر سوشل میڈیا صارفین نے دلچسپ تبصرے کرتے ہوئے لکھا کہ اداکارہ کی بات سن کر ایشوریا رائے اور مادھوری ڈکشٹ نے خود کشی کرلی ہوگی۔

کارٹون

کارٹون : 6 اپریل 2025
کارٹون : 5 اپریل 2025