ہمایوں سعید کی والدہ کا کردار نہیں کروں گی، وہ میرے والد لگیں گے، گل رعنا
سینئر اداکارہ گل رعنا کا کہنا ہے کہ بنیادی طور پر وہ پروڈکشن کا کام کرتی رہی ہیں، جس وجہ سے انہوں نے دیگر اداکاروں کی چپلیں بھی اٹھائیں اور کپڑے بھی استری کیے۔
گلوکار عاصم اظہر کی والدہ گل رعنا حال ہی میں ’دنیا‘ کے شو میں نظر آئیں، جہاں انہوں نے اپنے کیریئر، شوبز انڈسٹری اور نئی اداکاراؤں کے ریّوں کے حوالے سے کھل کر بات کی۔
ان کا کہنا تھا کہ فن کار یا تو ہوتا ہے یا نہیں ہوتا، اداکاری میں بہتری لائی جا سکتی ہے لیکن اداکاری سکھائی نہیں جا سکتی۔
انہوں نے بتایا کہ اداکار کی صلاحیتیں تراشنے کا ہنر ہدایت کار کے پاس ہوتا ہے۔
سینئر اداکارہ نے اپنے منفرد کرداروں کا تمام کریڈٹ اپنے ہدایت کاروں کو دیتے ہوئے کہا کہ اگر وہ مجھے الگ الگ کردار آفر نہیں کرتے تو میں کیسے کر پاتی۔
انہوں نے بتایا کہ جب میں سیٹ پر نوجوان اداکاراؤں کے تلخ رویّے دیکھتی ہوں تو منہ پر انہیں جواب دے دیتی ہوں۔
ان کا کہنا تھا کہ اگر میرے سامنے کوئی اداکارہ نامناسب رویّہ اپنائے تو کہہ دیتی ہوں کہ یہ ٹھیک نہیں۔
کیریئر میں مشکلات کے حوالے سے ان کا کہنا تھا کہ مشکلات تو بہت آئیں تاہم، کامیابی کا اصل مزہ سختیوں کے بعد ہی آتا ہے۔
انہوں نے بتایا کہ جس نے غم نہیں دیکھا اسے خوشی کا احساس نہیں ہو سکتا۔
گل رعنا کا کہنا تھا کہ ہمایوں سعید کی ماں کا کردار کبھی نہیں نبھاؤں گی، کیوں کہ وہ ان کے والد لگیں گے۔
گل رعنا کا کہنا تھا کہ پروڈکشن میں ہونے اور ٹی وی میں سینیئر پروڈیوسر کی ملازمت کے دوران انہوں نے اداکاروں کی چپلیں بھی اٹھائیں اور کپڑے بھی استری کیے۔
انہوں نے بتایا کہ میرا تعلق بنیادی طور پر اداکاری سے نہیں پروڈکشن سے ہے، 2008 تک وہ بطور سینئر پروڈیوسر کام کر تی رہیں۔
شادی اور محبت کے حوالے سے بات کرتے ہوئے ان کا کہنا تھا کہ یکطرفہ محبت سب سے بڑی بےوقوفی ہے۔
گل رعنا نے بتایا کہ میری شادی یکطرفہ محبت پر مبنی اور میری بے وقوفی تھی۔
لائیو ٹی وی