کراچی: کمسن بچی ریپ اور تشدد کے بعد ہلاک
کراچی: پاکستان کے سب سے بڑے شہر کراچی میں پولیس کا کہنا ہے کہ گزشتہ روز ایک پانچ سالہ کمسن بچی کو اغوا کرکے ریپ اور تشدد کا نشانہ بنایا گیا جس کی وجہ سے وہ ہلاک ہوگئی۔
پولیس کا کہنا ہے کہ یہ واقعہ شہر کے علاقے نیپئر میں پیش آیا۔
سٹی ایس پی شیراز نزیر کا کہنا تھا کہ مقتول بچی اپنے ولدین کے ہمراہ اپنی نانی ملنے کے بعد سرجانی ٹاؤن کے علاقے سے واپس آئی جس کے بعد وہ جمعہ کی شامل سے لاپتہ تھی۔
اس واقعہ کی رپورٹ پولیس میں درج نہیں کروائی گئی۔
نیپئر کے ایس ایچ او اعظم خان کا کہنا تھا کہ بچی کی لاش بھیمپورا کے علاقےمیں نور بی بی کی عمارت کے قریب ایک سیاسی جماعت کے دفتر کی سیڑھیوں سے برآمد ہوئی، جو کچھ عرصے سے بند ہے۔
بعد میں بچی کی لاش کو سول ہسپتال منتقل کردیا گیا جہاں پر ڈاکٹروں نے اس کی موت کی تصدیق کردی۔
لائیو ٹی وی