شاہد حیات کو برقرار رکھنے کیلئے سپریم کورٹ جانے کا فیصلہ
کراچی: سندھ حکومت نے ایڈیشنل آئی جی پولیس شاہد حیات عہدے پر برقرار رکھنے کے لئے سپریم کورٹ سے رجوع کرنے کا فیصلہ کیا ہے۔
ڈان نیوز کے مطابق سپریم کورٹ کے حکم پر سندھ حکومت نے او پی ایس افسروں کو ہٹانے کا فیصلہ کیا ہے تاہم کراچی آپریشن میں اہم کردار ادا کرنے کی وجہ سے شاہد حیات کی موجودہ عہدے پر موجودگی کو ضروری تصور کیا جارہا ہے۔
شاہد حیات کے کریڈٹ پر متعدد ہائی پروفائل کیس ہیں تاہم مرتضی بھٹو کیس کے حوالے سے وہ طویل عرصے تک خبروں میں رہے تھے کیونکہ جس وقت یہ واقعہ ہوا شاہد حیات اس وقت اے یس پی تھے۔
مرتضی بھٹو قتل کیس میں وہ دیگر پولیس افسروں کے ساتھ دو سال تک جیل میں بھی رہ چکے ہیں۔
شاہد حیات نے پنجاب یونیورسٹی سے گریجویشن کی اور 1991 میں پنجاب پولیس میں سروس جوائن کی اس کے کچھ عرصے بعد ہی سندھ پولیس میں شمولیت اختیار کرلی تھی۔
لائیو ٹی وی