تصاویر: غزہ کی صورتحال بدتر، کھانے کی اشیا، ایندھن، پانی کی قلت
غزہ کی صورت حال ہر گزرتے دن کے ساتھ بد سے بدتر ہوتی جارہی ہے جہاں 23 لاکھ سے زائد آبادی کو اسرائیل کی بدترین بمباری کا سامنا ہے، پانی، بجلی اور ادویات ختم ہو رہی ہیں اور غزہ کے اندر کی صورت حال کو اقوام متحدہ نے ’تباہی‘ قرار دیا۔
حکام کے مطابق اسرائیل نے حماس کے اچانک حملے کے بعد غزہ کا مکمل محاصرہ کر رکھا ہے اور وہاں کھانے پینے کی اشیا اور ایندھن کی فراہمی بھی معطل کر دی ہے، حملے میں 1300 اسرائیلی ہلاک ہوگئے تھے۔
اسرائیل نے غزہ پر بلاامتیاز بمباری کی اور ایک ہفتے کے دوران اب تک 724 بچوں سمیت 2 ہزار 300 سے زائد فلسطینی جاں بحق ہوچکے ہیں۔
فلسطینی پناہ کے لیے دربدر ہیں جبکہ اسرائیلی فوج نے غزہ میں زمینی سرحد سے داخل ہونے کا الٹی میٹم دے رکھا ہے اور ساتھ فضائی کارروائی بھی جاری ہے۔
