کبھی بھی پاکستان کو آسٹریلیا کا دورہ کرنے والی بدترین ٹیم قرار نہیں دیا، گلکرسٹ
سابق آسٹریلین کرکٹر اور وکٹ کیپر بلے باز ایڈم گلکرسٹ نے پاکستان ٹیم کو آسٹریلیا کنڈیشنز میں بدترین ٹیم کے حوالے سے خود سے منسوب بیان کو جھوٹا قرار دے دیا ہے۔
ایڈم گلکرسٹ نے سماجی رابطوں کی ویب سائٹ انسٹا گرام پر بیان میں کہا کہ کچھ اکاؤنٹس مجھ سے منسوب جھوٹا اور من گھرٹ بیان چلا رہے ہیں اور میں نے کبھی ایسا نہیں کہا۔
انہوں نے کہا کہ میرے خیال میں پاکستان نے ورلڈ چیمپیئن آسٹریلیا کے خلاف زبردست کرکٹ کھیلی اور وہ دو ٹیسٹ میچز جیتنے کے قریب بھی آ گئے تھے۔
واضھ رہے کہ گزشتہ دنوں سوشل میڈیا پر سابق وکٹ کیپر بلے باز سے منسوب بیان شیئر کیا جا رہا تھا جس میں دعویٰ کیا گیا تھا کہ گلکرسٹ نے پاکستان کو آسٹریلیا کا دورہ کرنے والی بدترین ٹیم قرار دیا ہے۔
لائیو ٹی وی