کراچی کے ایک وڈیرے نے لاہور کا رخ کرلیا، عطا اللہ تارڑ
رہنما مسلم لیگ (ن) عطا اللہ تارڑ نے کہا ہے کہ کراچی کے ایک وڈیرے نے لاہور کا رخ کرلیا، 300 یونٹ مفت بجلی کی باتیں کرنے والے کرپشن کے بادشاہ ہیں۔
لاہور میں حلقہ این اے 127 میں جلسے سے خطاب کرتے ہوئے عطا اللہ تارڑ نے کہا کہ نواز شریف جب بھی آتے ہیں نئے منصوبے شروع کرتے ہیں، نواز شریف معیشت کے پہیہ کو چلانا جانتے ہیں، انہوں نے ملک کو ناقابل تسخیر بنایا۔
انہوں نے کہا کہ کراچی کے ایک وڈیرے نے لاہور کا رخ کرلیا، جس کے مقابلے میں نوازشریف کا ورکر سامنے آیا ہے، 300 یونٹ مفت بجلی کی باتیں کرنے والے کرپشن کے بادشاہ ہیں۔
عطا اللہ تارڑ نے مزید کہا کہ آپ جہاں جہاں جائیں گے ہر حلقہ میں ترقی کے نشان نظر آئیں گے، صوبے کی تعمیر و ترقی خون پسینہ دے کر کی۔
انہوں نے کہا کہ سابق وزیراعلیٰ پنجاب عثمان بزدار اب کہیں نظر نہیں آرہے، گزشتہ 5 سال میں ایک اینٹ بھی نہیں لگائی گئی۔
لائیو ٹی وی