مستونگ میں نیشنل پارٹی کے انتخابی دفتر پر دستی بم حملہ، 2افراد زخمی
صوبہ بلوچستان کے ضلع مستونگ نیشنل پارٹی کے الیکشن کیمپ آفس پر نامعلوم افراد دستی بم سے حملہ کیا جس سے دو افراد زخمی ہو گئے۔
پولیس کے مطابق ضلع مستونگ میں نامعلوم افراد نے نیشنل پارٹی کے انتخابی دفتر پر دستی بم سے حملہ کردیا جس کے نتیجے میں دو افراد زخمی ہو گئے۔
ایس ایچ او سٹی پولیس عبدالفتاح نے بتایا کہ دستی بم حملے کے بعد نامعلوم افراد جائے حادثہ سے فرار ہونے میں کامیاب ہو گئے اور پولیس نے علاقے کی ناکہ بندی کر کے ملزمان کی تلاش شروع کردی ہے۔
انہوں نے بتایا کہ زخمیوں کی شناخت غلام محی الدین اور عبدالعزیز شامی کے نام سے ہوئی ہے جنہیں ابتدائی طبی امداد کے بعد ڈی ایچ کیو ہسپتال منتقل کردیا گیا ہے۔
لائیو ٹی وی