چارسدہ: اے این پی کے مقامی صدر کے گارڈز کی فائرنگ سے 2 نوجوان زخمی
چارسدہ میں عوامی نیشنل پارٹی (اے این پی) کے تحصیل صدر تیمور خان خٹک کے گارڈز کی فائرنگ سے 2 نوجوان زخمی ہوگئے۔
ڈان نیوز نے مقامی ذرائع کے حوالے سے بتایا کہ شابڑہ کے علاقے میں کارنر میٹنگ سے تیمور خٹک کے خطاب کے دوران ایک نوجوان نے مزاحیہ آوازیں لگائیں۔
آواز لگانے پر تیمور خٹک طیش میں آگئے اور محافظ کو فائرنگ کا کہا جس پر گارڈز نے فائرنگ کرنے دو نوجوانوں کو زخمی کردیا۔
فائرنگ سے زخمی دونوں نوجوانوں کو ڈی ایچ کیو ہسپتال منتقل کردیا گیا۔
واقعے کے خلاف شابڑہ کے مکینوں نے کل اے این پی کے خلاف احتجاج کا اعلان کیا ہے۔
علاقہ مکینوں کا کہنا ہے کہ اے این پی نے نہتے لوگوں پر فائرنگ کی ہے۔
لائیو ٹی وی