پاکستان میں اگرچہ پہلا روزہ 12 مارچ کو ہوگا لیکن دنیا کے متعدد مسلم ممالک میں کروڑوں مسلمانوں نے 11 مارچ کو پہلا روزہ رکھا۔
امریکا میں بھی مسلمانوں نے 11 مارچ کو پہلا روزہ رکھا، نیویارک کے ٹائمز اسکوائر پر نماز تراویح ادا کی گئی۔
فلسطینیوں نے بھی اسرائیلی بمباری میں پہلا روزہ رکھا، خواتین مسجد اقصیٰ کے کمپاؤنڈ میں نماز تراویح کے لیے جمع ہوئیں۔
سب سے بڑے مسلم ملک انڈونیشیا میں بھی 11 مارچ کو پہلی تراویح ادا کی گئی۔
دیگر یورپی ممالک کی طرح جرمنی میں بھی 11 مارچ کو مسلمانوں نے رمضان کو خوش آمدید کہا۔
مصر میں ماہ مبارک کی آمد میں روایتی خوشیاں منائیں گئیں۔
برازیل میں مساجد پر فلسطینیوں سے اظہار یکجہتی کی خاطر فلسطین کے جھنڈے لہرائے گئے۔
مصر میں رمضان کی آمد میں روایتی کھانوں کی فروخت میں اضافہ ہوگیا۔
