وفاق اور صوبے گندم کے بقایاجات کی مد میں پاسکو کے 194 ارب روپے کے نادہندہ نکلے
وفاق اور صوبےگندم کے بقایاجات کی مد میں پاکستان ایگریکلچر اسٹوریج اینڈ سروسز کارپوریشن لمیٹڈ ( پاسکو) کے 194ارب روپے کے نادہندہ نکلے، وفاقی وزیر خزانہ کی زیر صدارت ای سی سی اجلاس کی اندرونی کہانی سامنے آگئی۔
ڈان نیوز کے مطابق وزارت خزانہ پر پاسکو کے سب سے زیادہ 91 ارب 28 کروڑ روپے واجب الادا ہیں جبکہ خیبرپختونخوا حکومت نے پاسکو کو 37 ارب روپے ادا کرنے ہیں۔
ذرائع کے مطابق پنجاب حکومت نے پاسکو کو 32 ارب 46 کروڑ روپے دینے ہیں جبکہ سندھ حکومت پر پاسکو کے17 ارب 46 کروڑ روپے واجب الادا ہیں۔
ذرائع کے مطابق آزاد کشمیر حکومت نے پاسکو کو 10 ارب 9 کروڑ روپےکی ادائیگی کرنی ہے جبکہ گلگت بلتستان حکومت نے پاسکو کو 4 ارب 13 کروڑ روپے دینے ہیں، پاک فوج پر بھی پاسکو کے ایک ارب 84 کروڑ روپے واجب الادا ہیں۔
حکام کا کہنا ہے کہ پاسکو، کاشت کاروں سے خریداری کے بعد سالانہ طلب کی بنیاد پر وفاقی، صوبائی حکومتوں اور اداروں کو گندم فراہم کرتا ہے۔
لائیو ٹی وی