خیرپور: گورنمنٹ کالج کی لیب میں تجربے کےدوران دھماکا، پروفیسر اور 4 طلبہ زخمی
سندھ کے ضلع خیرپور کے ایک گورنمنٹ کالج کی لیب میں سائنسی تجربے کےدوران ہونے والے دھماکے کے نتیجے میں ایک پروفیسر اور 4 طلبہ زخمی ہوگئے۔
ڈان نیوز کی رپورٹ کے مطابق لیب میں سائنسی تجربے کےدوران ہونے والے دھماکا خیرپور گورنمنٹ سپریئر سائنس کالج میں ہوا۔
رپورٹ کے مطابق دھماکے میں کالج کے ایک پروفیسر کے علاوہ 4طلبہ زخمی ہوئے۔
کالج انتظامیہ نے بتایا کہ زخمیوں کو طبی امداد کی فراہمی کے لیے فوری طور پر ہسپتال منتقل کردیا گیا۔
ہسپتال انتظامیہ کے مطابق زخمی پروفیسر کی حالت تشویشناک ہے جب کہ چاروں طلبہ معمولی زخمی ہوئے جنہیں طبی امداد فراہم کی جا رہی ہے۔
لائیو ٹی وی