محسن نقوی کی ریاض میں سعودی کرکٹ فیڈریشن چیئرمین سے ملاقات
چئیرمین پاکستان کرکٹ بورڈ (پی سی بی) محسن نقوی نے ریاض میں سعودی عرب کرکٹ فیڈریشن کے چیئرمین شہزادہ سعود بن مشعل السعود سے ملاقات میں کرکٹ کے فروغ اور اسٹیڈیمز کی تعمیر کے حوالے سے ہر ممکن تعاون کی پیشکش کی۔
چئیرمین پی سی بی نے سعودی عرب کے کھلاڑیوں کو تربیت دینے کی بھی پیشکش کی۔
پاکستان کرکٹ بورڈ کے مطابق محسن نقوی نے چیئرمین سعودی عرب کرکٹ فیڈریشن کو چیمپئنز ٹرافی ٹورنامنٹ کے میچز دیکھنے کے لیے دورہ پاکستان کی دعوت دی اور کرکٹ کے فروغ اور اسٹیڈیمز کی تعمیر کے حوالے سے ہر ممکن تعاون کی پیشکش کی۔
محسن نقوی نے سعودی عرب کے کھلاڑیوں کو تربیت دینے کی بھی پیشکش کی، ملاقات کے دوران پی سی بی چیئرمین نے کہا کہ کرکٹ ڈیولپمنٹ کے لیے پلیئرز ایکسچینج پروگرام شروع کیا جا سکتا ہے، سعودی عرب اپنے ابھرتے ہوئے کھلاڑیوں کو پاکستان بجھوا سکتا ہے، سعودی عرب ہر پاکستانی کا دوسرا گھر ہے، تعاون پر خوشی ہو گی۔
چیئرمین سعودی عرب کرکٹ فیڈریشن شہزادہ سعود بن مشعل السعود نے کہا کہ ہم پلیئرز ڈیولپمنٹ پر کام کر رہے ہیں، سعودی عرب میں کرکٹ کے تقریبا 18ہزار کھلاڑی ہیں، سعودی عرب نے ایشین کرکٹ کونسل کا چیلنج کپ بھی جیتا ہے، پاکستان کے ساتھ کرکٹ کے فروغ کے لیے قریبی تعاون کے ساتھ کام کرنا چاہتے ہیں۔
لائیو ٹی وی