ملک بھر میں سونے کی قیمتیں کم ہو گئیں
ملک میں فی تولہ سونا 800 روپے سستا ہو کر 2 لاکھ 73 ہزار 200 روپے کا ہو گیا۔
سرکاری خبر رساں ادارے ’اے پی پی‘ کے مطابق آل سندھ صرافہ جیولرز ایسوسی ایشن نے بتایا کہ 24 قیراط فی تولہ سونے کی قیمت 800 روپے تنزلی سے 2 لاکھ 73 ہزار 200 روپے ریکارڈ کی گئی ہے جبکہ 10 گرام سونے کے دام 686 روپے گر کر 2 لاکھ 34 ہزار 225 روپے رہے۔
اسی طرح 22 قیراط 10 گرام سونا 2 لاکھ 14 ہزار 706 روپے میں فروخت ہوا۔
ایسوسی ایشن کے مطابق چاندی کی فی تولہ اور 10 گرام قیمتیں آج بھی بالترتیب 3 ہزار 350 روپے اور 2 ہزار 872 روپے پر برقرار رہیں۔
عالمی منڈی میں بھی فی اونس سونے کے نرخ 8 ڈالر تنزلی سے 2 ہزار 620 ڈالر ریکارڈ کیے گئے۔
لائیو ٹی وی