سونے کی قیمت میں کمی، فی تولہ کتنے کا ہو گیا؟
ملک بھر میں آج سونے کی قیمتوں میں 600 روپے کی کمی ہو گئی۔
سرکاری خبر رساں ادارے ’اے پی پی‘ نے آل سندھ صرافہ جیولرز ایسوسی ایشن کے حوالے سے رپورٹ کیا کہ 24 قیراط فی تولہ سونے کی قیمت 600 روپے تنزلی کے بعد 2 لاکھ 72 ہزار 600 روپے ریکارڈ کی گئی ہے۔
اسی طرح 24 قیراط 10 گرام سونا 514 روپے سستا ہو کر 2 لاکھ 33 ہزار 711 روپے میں فروخت ہوا، جبکہ 22 قیراط 10 گرام سونے کے دام 2 لاکھ 14 ہزار 235 روپے رہے۔
ادھر، ملک بھر میں چاندی کی فی تولہ اور 10 گرام قیمتیں 3 ہزار 350 روپے اور 2 ہزار 872 روپے پر برقرار رہیں۔
ایسوسی ایشن نے رپورٹ کیا کہ عالمی منڈی بھی سونے کی فی اونس قیمت 6 ڈالر کمی کے بعد 2 ہزار 614 ڈالر ریکارڈ کی گئی۔
لائیو ٹی وی