کراچی: سروس رولز، ڈسپلن کی خلاف ورزی پر چیئرمین انٹر بورڈ عہدے سے برطرف
چیئرمین انٹر بورڈ امیر قادری کو عہدے سے ہٹا کر شرف علی شاہ کو عہدے کا چارج دے دیا گیا جب کہ برطرف چیئرمین سے بیرون ملک دورے کی وضاحت بھی طلب کی گئی ہے۔
ڈان نیوز کی رپورٹ کے مطابق چیئرمین انٹر بورڈ امیر قادری کو بیرون ملک سفر سے قبل کنٹرولنگ اتھارٹی سے پیشگی منظوری لینا ضروری تھا۔
رپورٹ کے مطابق عہدے سے ہٹانے کے علاوہ امیر قادری سے 7 روز کے اندر اپنی پوزیشن واضح کرنے کی بھی ہدایت کی ہے۔
رپورٹ کے مطابق وضاحت نہ دینے پر ان کے خلاف کنٹرولنگ اتھارٹی کو تادیبی کارروائی کی سفارش کی جائے گی۔
حکام کی طرف سے بتایا گیا کہ چیئرمین انٹر بورڈ امیر قادری کا یہ عمل سروس رولز اور ڈسپلن کی صریح خلاف ورزی ہے۔
لائیو ٹی وی