سپر اسٹور میں گھوڑے پر سوار ہوکر خریداری کرنے والی لڑکی کی ویڈیو وائرل
سعودی عرب کی گھڑ سوار لڑکی کی جانب سے گھوڑے پر سوار ہوکر سپر اسٹور سے خریداری کرنے کی ویڈیو سوشل میڈیا پر وائرل ہوگئی۔
عرب نشریاتی ادارے ادارے ’گلف نیوز‘ کے مطابق سوشل میڈیا پر وائرل ہونے والی مختصر ویڈیو میں سعودی عرب کی نوجوان پروفیشنل گھڑ سوار لڑکی کو سپر اسٹور سے چیزیں خریدتے ہوئے دیکھا جا سکتا ہے۔
وائرل ویڈیو میں نظر آنے والی لڑکی 20 سالہ شھد الشمری ہیں جو کہ سعودی عرب کی ماہر گھڑ سوار ہیں اور وہ مختلف مقابلوں میں حصہ بھی لیتی دکھائی دیتی ہیں۔
وائرل ہونے والی مختصر ویڈیو میں شھد الشمری اپنے گھوڑے پر بیٹھے سپر اسٹور کے میڈیکل سیکشن میں دکھائی دیتی ہیں، جہاں سے وہ مختلف ادویات اٹھاتیں اور ان سے متعلق پوچھتی دکھائی دیتی ہیں۔
وائرل ویڈیو میں ایک شخص شھد الشمری کی ویڈیو بھی بناتے دکھائی دیتے ہیں۔
لڑکی کی گھوڑے پر سوار ہوکر سپر اسٹور سے خریداری کرنے کی ویڈیو وائرل ہونے کے بعد سوشل میڈیا صارفین نے ان کی تعریفیں کیں اور لکھا کہ ان کے عمل سے سعودی عرب کی خواتین گھڑ سواری کی جانب راغب ہوں گی۔
سعودی عرب سمیت دیگر عرب ممالک میں گھڑ سواری کو ثقافتی اہمیت حاصل ہے، وہاں کے لوگ شوق سے گھوڑوں کو پالنے سمیت ان پر سواری کرتے ہیں اور سعودی عرب سمیت دیگر ممالک میں سالانہ گھڑ دوڑ کے مقابلے بھی ہوتے ہیں۔
لائیو ٹی وی