حریم سہیل نکاح کے بندھن میں بندھ گئیں
ابھرتی ہوئی اداکارہ و ماڈل حریم سہیل نے نکاح کرلیا، نکاح کی تقریب میں متعدد شوبز شخصیات نے شرکت کی۔
حریم سہیل کے نکاح کی ویڈیوز اور تصاویر متعدد شوبز شخصیات نے شیئر کرتے ہوئے انہیں نئی زندگی شروع کرنے پر مبارک باد پیش کی۔
اداکارہ کے نکاح کی وائرل ہونے والی ویڈیوز اور تصاویر حریم سہیل اور ان کے شریک حیات کو روایتی عروسی لباس میں دیکھا جا سکتا ہے۔
متعدد شوبز شخصیات نے ان کے نکاح کی ویڈیوز اور تصاویر شیئر کرتے ہوئے انہیں مبارک باد پیش کی۔
حریم سہیل کی شادی کی تقریبات گزشتہ چند دن سے جاری تھیں، انہوں نے مایوں اور مہندی کی تقریب کی ویڈیوز اور تصاویر بھی شیئر کی تھیں۔
اداکارہ نے اگرچہ شوہر کی ویڈیوز اور تصاویر شیئر کیں، تاہم انہوں نے شوہر سے متعلق کوئی معلومات فراہم نہیں کی۔
سوشل میڈیا صارفین نے اداکارہ کی نکاح کی ویڈیوز پر تبصرے کرتے ہوئے جہاں انہیں مبارک باد پیش کی، وہیں بعض صارفین نے دعویٰ کیا کہ اداکارہ نے اپنے کزن سے شادی کی ہے۔
حریم سہیل سینیئر اداکارہ بینا چوہدری کی صاحبزادی ہیں اور اب تک ایک درجن کے قریب ڈراموں میں کام کر چکی ہیں۔
لائیو ٹی وی