سہ فریقی سیریز: پاکستانی ٹیم دوسرا میچ کھیلنے لاہور سے کراچی پہنچ گئی
سہہ ملکی کرکٹ سیریز کے لیے قومی ٹیم اپنا دوسرا میچ کھیلنے کے لیے لاہور سے کراچی پہنچ گئی۔
قومی اسکواڈ کل نیشنل بینک اسٹیڈیم میں پریکٹس کرے گا، پاکستانی ٹیم کل ساڑھے 12 سے ساڑھے 3 بجے تک پریکٹس کرے گی۔
پاکستانی ٹیم سیریز میں اپنا دوسرا میچ 12 فروری کو جنوبی افریقہ کے خلاف کھیلے گا، اس سے قبل جنوبی افریقہ اور نیوزی لینڈ کی ٹیمیں 10 جنوری کو لاہور میں مدمقابل ہوں گی۔
دوسری جانب، کراچی کے نیشنل اسٹیڈیم کی افتتاحی تقریب منگل 11فروری کو ہوگی، تقریب میں علی ظفر، شفقت امانت علی، ساحر علی بگا سر بکھیریں گے جب کہ تقریب میں آتش بازی اور لائٹ شو بھی ہوگا۔
چیئرمین پی سی بی محسن نقوی نے سوشل میڈیا پر پیغام جاری کیا کہ نیشنل اسٹیڈیم کراچی کی شاندار افتتاحی تقریب کے لیے تیار ہوجائیں۔
اپنی پوسٹ میں ان کا کہنا تھا کہ تقریب میں میوزک کا تڑکا بھی ہوگا، علی ظفر، شفقت امانت علی اور ساحر علی بگا سر بکھیریں گے۔
تقریب میں آتش بازی اور لائٹ شو بھی ہوگا جب کہ اوپننگ میں شائقین کا داخلہ مفت ہوگا، شائقین شناختی کارڈ دکھا کر اسٹیڈیم میں داخل ہوسکیں گے۔
واضح رہے کہ سہ فریقی سیریز کے پہلے میچ میں نیوزی لینڈ نے پاکستان کو 78 رنز سے شکست دی تھی۔
لائیو ٹی وی