سونے کی قیمت میں آج پھر بڑا اضافہ
سونے کی قیمتوں میں اتار چڑھاؤ کا سلسلہ جاری ہے، آج پھر فی تولہ نرخ 1700 روپے اضافے سے 3 لاکھ 2 ہزار روپے ہوگئے۔
سرکاری خبر رساں ادارے ’اے پی پی‘ کی رپورٹ کے مطابق آل پاکستان جیمز اینڈ جیولرز ایسوسی ایشن نے بتایا کہ ملک بھر میں فی تولہ سونا 1700 روپے مہنگا ہو کر 3 لاکھ 3 ہزار 2 سو روپے کا ہوگیا۔
اسی طرح 24 قیراط سونے کے 10 گرام کی قیمت بھی ایک ہزار 458 روپے اضافے سے 2 لاکھ 59 ہزار 945 روپے ہوگئی، جبکہ 10 گرام 22 قیراط سونے کی قیمت 2 لاکھ 38 ہزار 283 روپے ہوگئی۔
آل سندھ صرافہ جیولرز ایسوسی ایشن نے رپورٹ کیا کہ بین الاقوامی مارکیٹ میں فی اونس سونے کی قیمت بڑھ کر 2 ہزار 900 ڈالر ہو گئی۔
واضح رہے کہ 15 فروری کو فی تولہ خالص سونے کی قیمت 4 ہزار 700 روپے تنزلی سے 3 لاکھ ایک ہزار 500 روپے ہوگئی تھی۔
لائیو ٹی وی