ریکارڈ سطح پر پہنچنے کے بعد آج سونے کی قیمت میں یکدم بڑی کمی
ملک بھر میں ریکارڈ سطح پر پہنچنے کے بعد آج سونے کی قیمت میں یکدم بڑی کمی ہوگئی۔
سرکاری خبر رساں ادارے ’اے پی پی‘ کے مطابق آل پاکستان صرافہ جیمز اینڈ جیولرز ایسوسی ایشن نے بتایا کہ 24 قیراط کے حامل فی تولہ خالص سونے کی قیمت 2 ہزار روپے کی کمی سے 3 لاکھ 7 ہزار روپے پر آگئی۔
اسی طرح 24 قیراط 10 گرام سونے کے نرخ ایک ہزار 714 روپے تنزلی سے 2 لاکھ 63 ہزار 203 روپے ریکارڈ کیے گئے ہیں، جبکہ 22 قیراط 10 گرام سونا ایک ہزار 571 روپے کمی سے 2 لاکھ 41 ہزار 278 روپے میں فروخت ہوا۔
ادھر، فی تولہ اور 10 گرام چاندی بالترتیب 38 روپے اور 33 روپے تنزلی سے 2 ہزار 940 روپے میں فروخت ہوئی۔
ایسوسی ایشن نے رپورٹ کیا کہ عالمی منڈی میں فی اونس سونا 23 ڈالر تنزلی کے بعد 2 ہزار 930 ڈالر پر آگیا۔
واضح رہے کہ گزشتہ روز 24 قیراط کے حامل فی تولہ خالص سونے کا بھاؤ ایک ہزار روپے اضافے سے تاریخ کی نئی بُلند ترین سطح 3 لاکھ 9 ہزار روپے تک پہنچ گیا تھا۔
اسی طرح 24 قیراط 10 گرام سونے کے دام 857 روپے بڑھ کر 2 لاکھ 64 ہزار 917 روپے ریکارڈ کیے گئے تھے۔
لائیو ٹی وی